Actu

Lo 5esme Forum Sociau Lemosin

Torna compte de Maime per GLT
mercredi 13 août 2008.
 
Lo 5esme Forum Sociau Lemosin se debanet a la fin dau mes de mai a Beubruelh, quartier popular de Limòtges. Fuguet lo prumer còp que s’organizet en vila. L’objectiu era de mobilizar las associacions localas mai la populacion per debatre de tematicas diversas coma la diversitat culturala, la democracia, las alternativas ecologicas a nòstra societat e de las tematicas mai sociala coma lo combat sociau, la realitat d’un quartier popular, lo ròtle daus migrants dins l’economia.

Es clar que l’objectiu fuguet pas atengut. Los moments festius amasseren la populacion dau quartier mas pas los debats. Lo trabalh de rescontres, de discusion deu contunhar per abotir a ’na presa de paraula vertadiera de la populacion.

Totparier, la preséncia de Gardarem la Tèrra permet de parlar de la diversitat culturala e de l’occitan. Beucòp de monde passeren sus nòstre taulier per discutir, descubrir nòstras ideas. Fuguet tanben l’enchaison d’informar sus l’iniciativa de la Chambra d’Oc, sostenguda per las associacions de l’obrador Solidaritat internacionala / Diversitat culturala.

En mai l’occitan fuguet present, dins lo forum. Dins los bargassatges entre los militants occitanofones (dont dos jòunes venguts de Bordeu). Sus scena, emb los gropes Tres per Dos (musica a dançar dau Lemosin) e Goulamas’k. Sus los tauliers d’associacions ecologistas coma Chlorophylle e son expocision sus las plantas medicinalas o los Amics de la Tèrra Lemosin.

Fàcia a la crisa sociala, ecologica, fàcia a la politica dau governament e a la mondializacion devem contunhar de far viure ’quilhs luòcs de debat e d’emancipacion colectiva.

Répondre à cet article